Добра вест за познавачите на доброто вино и љубителите на префинетиот вкус.

Од 7 до 9 мај на платото пред Офицерски дом ќе се одржи „Вински Фестивал Битола“. Три дена со виното, музиката и дружење. Внимателно одбрана музичка програма и внимателно селектирана понуда на вина од домашни винарии и гастрономски специјалитети. Фестивалот официјално започнува со програма на 7 мај со настап на резидент диџеј, за потоа да продолжи со легендарните B52, „Пауза за ракија“ и диџеј Александар Јорданов. На 8 мај возбудлива вечер со Lockdown,, Камерен оркестар Битола и DJ Гоце Саф, додека третата вечер, на 9 мај, е резервирана за Zdrave Music, „Љубојна“ и „Паркети“.