Премиера на филмот „Утре наутро“ во Кино Браќа Манаки!
Ни претставува особено задоволство што ќе бидеме домаќини на битолската премиера на најновиот македоснки филм „Утре наутро“ на Јани Бојаџи. Ве покануваме во Сабота на 6 Декември во 20.00 часот во Кино Браќа Манаки да бидете дел од оваа филмска премиера. Влезници по цена од 200 денари , на билетарата на Кино Браќа Манаки, 1 час пред проекцијата!
Филмот „Утре Наутро“ е инспириран од вистински настани што го обележаа 27 април 2017 година – ден што засекогаш ја смени нашата современа историја. Судир меѓу идеалите и реалноста; границата помеѓу вистината, лагата и совеста.
Синопсис :
Аида е силувана, но на суд не ја добива својата правда – и од жртва се претвора во насилник. Јоана е прогонувана од корумпираната политичка елита со моќ, за дела што ги направила во минатото – и од насилник се претвора во жртва. Двете жени бараат доволно причини, едната да замине, а другата да остане во земјата, полни со надеж дека утре наутро ќе биде подобро од денеска.