По два месеци исполнети со култура, уметност и инспирација, БИТ ФЕСТ 2025 го заокружува своето 17-то издание со свечено затворање на отворено, на платото пред Офицерскиот дом.

Во рамки на затворањето, ќе биде претставена завршната видео-презентација на “Bitola Art Mapping” – проект кој ја трансформираше Битола во сцена за современа уметност и креативен дијалог. Главната цел на “Bitola Art Mapping” е создавање на уникатно културно доживување преку активирање на јавниот простор и поврзување на уметноста со граѓаните.

Видеото ќе послужи како културно-туристичка промоција на фестивалот, а содржините ќе бидат континуирано споделувани и на социјалните мрежи на Општина Битола, во соработка со ЈОУ КИЦ Битола и медиумите што ги следат фестивалските случувања.

Ве очекуваме на финалето на летото исполнето со уметност!