Денес и утре, со почеток во 20:00 часот, во Свечената сала на Офицерскиот дом, ќе се одржи десеттото јубилејно издание на фестивалот ХАРМОНИКИТЕ 2025.

На фестивалот ќе настапат: Кирил Стојчевски, проф. д-р Илчо Јованов, Сашко Велков, Дарко Илиевски, Јове Кекеновски, Горан Алачки, Зисо Пуровски, Давид Велков, Димитриј Стојчевски, Давид Стојчевски, Мендо Ташковски, Дарко Кулевски, Димитар Митревски, Александар Николовски, Костадин Крстески, Софија Пуровска (вокал), Петар Коштревски (кахон) и Благојче Трајковски (кларинет).

Во рамките на фестивалот, во среда, на 16 јули во 14:00 часот, ќе се одржи семинар посветен на македонската народна музика. Во работниот дел ќе учествуваат еминентни универзитетски професори, предводени од проф. д-р Илчо Јованов и специјалниот гостин од Србија, проф. д-р Зоран Ракиќ.

Организатори на фестивалот се Сашко Савевски и Кирил Стојчевски, кои најавуваат две вечери исполнети со извонредни музички доживувања и виртуозност на хармоника.

Фестивалот е дел од програмата на Битолското културно лето БИТ ФЕСТ.