📌 Голема сцена на НУ Центар за култура (Службен влез)

Театарска претстава за деца во изведба на Senju Puppet Company од Софија, Бугарија.

„Низ призмата на јапонската култура и техниките на марионетите Такеда, имате можност да ја видите приказната за Уме. Никој не знае која е Уме и зошто носи огромна чинија за ориз на главата. Само Итару, најмладиот син на шогунот, не се потсмева на неа и станува нејзин пријател. Тие се соочуваат со различни пречки, барајќи начин да ја скршат магијата на чинијата. Патувањето ги води низ избори каде што Уме и Итару покажуваат љубезност, чесност и посветеност. Едукативна и вистинита, оваа приказна нè учи дека нашата среќа зависи од нас самите. Уживајте во прецизноста и убавината на јапонскиот куклен театар и видете како вистинската и чиста љубов може да отвори секоја врата! Претставата „Ќерката на самурајот“ според јапонската народна приказна „Химе со големата шапка“ е соодветна и за деца и за возрасни.“