Петок • 27 јуни • 11:00

локација МКЦ Битола, ул. Цар Самоил 29

 

Ако можеш да чувствуваш – можеш и да пишуваш.

Да, дури и ако мислиш дека не си поет. Дури и ако не си напишал/а ниту една песна од основно.

Ова не е работилница за „совршен стих“.

Ова е простор каде зборовите добиваат дозвола – да бидат срамежливи, распарчени, чудни, кревки или смели.

 

Со Марија Бошковска како водич, ќе ги одлепиме зборовите од правилата и ќе им дадеме нова форма – своја.

Читаме современа поезија

Разговараме за лирски гласови

Пишуваме – искрено, спонтано, по свое

Потребно е само малку храброст и љубопитност.

Сѐ друго ќе се појави самó – кога ќе му дадеш збор на она што одамна чука внатре.

 

Работилницата е наменета за млади од 15 години па нагоре

 

Марија Бошковска е книжевница, уредничка и програмска координаторка во КСП „Центар – Јадро“. Авторка на поезија, проза, книжевни критики и детски приказни, основачка на „Дума ин Сума“ и креаторка на програми за млади кои ги учат зборовите да значат – без да се извинат.